सूचनाको हकसम्बन्धी ऐन, २०६४ जारी भई कार्यान्वयनमा आएको ऐतिहासिक दिनको सम्झनामा आज देशभर विविध कार्यक्रम आयोजना गरी राष्ट्रिय सूचना दिवस, २०८३ मनाइँदै छ। विसं २०६४ साउन ५ गते संसदबाट पारित भई प्रमाणीकरण भएको उक्त ऐन ऐनको व्यवस्थाअनुसार ३० दिनपछि अर्थात् २०६४ भदौ ३ गतेदेखि कार्यान्वयनमा आएको थियो। सोही दिनको सम्झनामा राष्ट्रिय सूचना आयोगको आयोजनामा हरेक वर्ष भदौ ३ गतेलाई राष्ट्रिय सूचना दिवसका रूपमा मनाउने गरिन्छ।