झापा, १२ साउन । फ्रिडम फोरमको सहकार्यमा प्रदेश नं १ को झापाको बिर्तामोडमा पत्रकार, सूचनाको हकका अभियन्ता, युवा, महिला, राजनीतिककर्मीहरुलाई सूचनाको हक र आरटिआई एप बारे अभिमुखिकरण कार्यक्रम संचालन भएको छ ।
२५ जना सहभागीलाई उक्त प्रशिक्षण दिइएको थियो । उक्त प्रशिक्षणमा सूचाको हक भनेको के हो, यसको व्यवहारिक प्रयोगले सार्वजनिक निकायलाई पारदर्शि बनाउन कतिको बल पुग्छ, यसको प्रयोगले कस्ता परिवर्तनहरु भए भन्ने विषयमा फ्रिडम फोरमको स्थानीय संयोजक राजु श्रेष्ठले जानकारी गराउनुभएको थियो ।
उक्त कार्यक्रममा सूचनाको हकका बारेमा छिट्टै बुझ्न प्रयोगमा ल्याएको आरटिआई एपको बारेमा जानकारी गराउँदै यसको व्यवहारीक र सैद्धान्तिक विषयको श्रेष्ठले जानकारी गराउनुभएको थियो ।
कार्यक्रममा अहिलेको युग प्रविधिको युग भएकाले सूचनाको हक, यसको व्यवहारिक पक्ष, ऐन÷कानुन, ढाँचा, सूचनाको हकसंग सम्बन्धित समाचार, विचार लगायतका विषयवस्तु आरटिआई नेपाल एपबाटै हेर्न र बुझ्न सकिने जानकारीमूलक विषय प्रस्तुत भएको थियो ।
उक्त कार्यक्रममा संयोजक श्रेष्ठले सूचनको हक बारे बुझ्न आरटिआई एपले निकै मद्दत पुग्ने बताउँदै एपबाटै धेरै कुरा बुझ्न र सिक्न सकिने सहभागीहरुलाई जानकारी गराउनुभएको थियो ।
सूचना मागको ढाँचा देखि सबै विषयबस्तु समेटिएको उक्त एपको अध्ययन पश्चात यसको व्यवहारीक प्रयोग गर्न समेत सहयोग पुग्ने सहभागीहरुले बताउनुभयो । –––